Алехандро Балде қишда «Барселона»ни тарк этиши мумкин
Ҳозирча трансфер бўйича якуний қарор қабул қилинмаган.
Футбол
Фото: Getty Images
Каталониянинг «Барселона» клуби чап қанот ҳимоячиси Алехандро Балденинг жамоадаги келажаги сўроқ остида қолмоқда. Бу ҳақда FootballTransfers нашри хабар бермоқда.
Таниқли инсайдер Фабрицио Романонинг маълум қилишича, футболчининг агенти Жорже Мендеш Барселонага етиб келиб, ҳимоячининг келажаги юзасидан музокаралар олиб борган.
Каталонияликлар ёзги трансфер ойнасида ҳам Балдени сотишга тайёр бўлган, бироқ футболчининг ўзи жамоада қолишни истаган. Ўша вақтда клуб ҳимоячининг трансферини 50–55 миллион еврога баҳолаган.
Маълумот учун, 23 ёшли Балденинг қишки трансфер ойнасида жамоани тарк этиши унинг яқин ҳафталарда қанча ўйин амалиётига эга бўлишига ҳам боғлиқ. Ҳозирча трансфер бўйича якуний қарор қабул қилинмаган.