Pochettino “Manchester Yunayted”dagi faoliyatini o‘zgarishlar bilan boshladi
“Manchester Yunayted”ning yangi bosh murabbiyi Maurisio Pochettino jamoaning o‘yin uslubini o‘zgartirish niyatida ekanini ma’lum qildi. Bu haqda The Times nashri xabar bermoqda.
Argentinalik mutaxassisning fikricha, Manchester klubining avvalgi darajasiga qaytishi uchun futbolchilarning jismoniy tayyorgarligini yaxshilashning o‘zi yetarli emas.
Murabbiy futbolchilarning individual mahoratini yuzaga chiqarish, jamoaviy o‘yinni takomillashtirish va yangicha futbol falsafasini shakllantirishga asosiy e’tibor qaratmoqchi. Pochettino “Manchester Siti”ning so‘nggi yillardagi muvaffaqiyatlariga qaramay, Manchester shahrida “Yunayted”ning alohida o‘rni borligini ham ta’kidlagan.
Ma’lumot uchun, argentinalik mutaxassisning mankunianliklar bosh murabbiyi sifatidagi ilk uchrashuvi “Liverpul”ga qarshi bo‘lib o‘tadi.