O‘zbekiston kubogi. «Lokomotiv» «Neftchi»ni musobaqadan chiqarib yubordi, «Andijon» «So‘g‘diyona»dan ustun keldi
O‘zbekiston kubogi. «Lokomotiv» «Neftchi»ni musobaqadan chiqarib yubordi, «Andijon» «So‘g‘diyona»dan ustun keldi
Turnirning yana ikki yarimfinalchisi ma’lum bo‘ldi.
O‘zbekiston kubogi chorakfinal bosqichidan o‘rin olgan «Lokomotiv» — «Neftchi» va «So‘g‘diyona» — «Andijon» jamoalari o‘rtasidagi bahslar yakuniga yetdi.
Zominda andijonliklar mezbonlarni 2:1 hisobida mag‘lubiyatga uchratdi. Mehmonlar safida gollarga Petar Michin (avtogol) va Martin Boake mualliflik qildi. Maydon egalarining yagona goli esa Sardor Jamolov nomiga qayd etildi.
Musobaqadagi sensatsiyalardan biri Farg‘onada ro‘y berdi. Unda Toshkentning «Lokomotiv» klubi amaldagi Superliga chempioni «Neftchi»ni 4:2 hisobida yengib, kubokdan chiqarib yubordi va yarimfinalga yo‘l oldi.
O‘zbekiston kubogi. 1/4 final
Neftchi — Lokomotiv 2:4
Gollar: G‘iyosov 36, Ismoilov 45+3 — Yaxshiboyev 11 (pen), 33 (dubl), Tupliyev 23, Turopov 43.
So‘g‘diyona — Andijon 1:2
Gollar: Jamolov 84 — Michin 59 (avt), Boake 80.
