«MYU» ilk bor bir kalendar yilida ikkinchi murabbiyni iste’foga chiqardi

Angliyaning «Manchester United» klubi o‘z tarixida ilk bor bir kalendar yil davomida ikkinchi bosh murabbiyni iste’foga chiqardi. Bu haqda Manchester Evening News jurnalisti Samuel Luckhurst o‘zining X ijtimoiy tarmog‘ida xabar berdi.

Bugun, 12-noyabr kuni klub Maykl Kerrik bosh murabbiylik lavozimini tark etganini rasman e’lon qildi.

Shuningdek, bu «Manchester United» tarixida klub uchta mavsum ketma-ket bosh murabbiyni iste’foga chiqargan ilk holat hisoblanadi.

«Manchester United» Angliya Premyer-ligasi turnir jadvalida 18-o‘rinni egallab turibdi. Jamoa joriy mavsumdagi dastlabki 10 ta uchrashuvda atigi bir marta g‘alaba qozongan.

OAV ma’lumotlariga ko‘ra, «qizil iblislar»ning yangi bosh murabbiyi Maurisio Pochettino bo‘ladi.

Roziqjon Sultonmurodov

Jurnalist

0 0 0 0 0 0