locale OZ

«Dinamo» kelasi yildan «Afrosiyob Arena»sida o‘ynamoqchi

2026 yilda Proliga ishtirokchisi «Kattaqo‘rg‘on» aynan ushbu o‘yingohda o‘z bahslarini o‘tkazib keldi.
Futbol
«Dinamo» kelasi yildan «Afrosiyob Arena»sida o‘ynamoqchi
photo: Kattaqo'rg'on FK

Samarqandning «Dinamo» klubi 2027 yildan boshlab o‘z uchrashuvlarini yangi arenada o‘tkazishni maqsad qilgan. Bu haqda klub bosh direktori Anvar Nosirov o‘z ijtimoy tarmoqdagi sahifasida e’lon qildi.

Uning ma’lum qilishicha, «ko‘hna shaharliklar» shahardagi «Afrosiyob Arena»da o‘z uy bellashuvlarini o‘tkazishni rejalashtirgan.

Eslatib o‘tamiz, 2026 yilda Proliga ishtirokchisi «Kattaqo‘rg‘on» aynan ushbu o‘yingohda o‘z bahslarini o‘tkazib keldi.

Ma’lumot uchun, 2007 va 2011 yillarda «Dinamo» klubining uy stadioni sanalgan «Olimpiya» stadioni bir necha yil avval «Afrosiyob arena» nomiga o‘zgartirilib, ta’mirlangandi. 13 ming tomoshabin sig‘imiga ega o‘yingoh maydoni 2025 yilda «Agromir» kompaniyasi homiyligida yangilangandi.

Darvoqe, FIFA kunlari bois Superligada yuzaga kelgan tanaffusdan foydalanib «Dinamo» jamoasi aynan shu o‘yingohda «So‘g‘diyona»ga qarshi maydonga tushadi. Qo‘shnilar o‘rtasidagi qarama-qarshilik 15 noyabr kuniga belgilangan.

Sports24.uz Bizni kuzating
Asosiy voqealarni kuzatib boring! Yangiliklar, natijalar va sportdagi eng yorqin lahzalar. Kuzating va eng muhim voqealardan xabardor bo'ling!
Izohlar
Izoh qoldirish uchun ro'yxatdan o'ting