APL. Husanov to‘liq o‘ynagan uchrashuvda “Manchester Siti” “Aston Villa”ga mag‘lub bo‘ldi
Angliya Premyer Ligasining 8-turidan o‘rin olgan bahsda “Aston Villa” o‘z maydonida “Manchester Siti”ni qabul qildi. “Villa Park” stadionida o‘tgan uchrashuvda birmingemliklar 2:1 hisobida g‘alaba qozondi.
O‘yinning 6-daqiqasidayoq Jon Makginnning uzatmasidan so‘ng Nikolas Jekson hisobni ochdi. Birinchi bo‘lim shu hisobda yakuniga yetdi. Ikkinchi bo‘limda “Manchester Siti” hisobni tenglashtirishga muvaffaq bo‘ldi. 52-daqiqada Erling Holand tomonidan kiritilgan gol evaziga tablodagi natija 1:1 ko‘rinishiga keldi.
Biroq 60-daqiqada Nikolas Jekson o‘zining ikkinchi golini kiritib, mezbonlarning ustunligini ta’minladi. O‘zbekiston terma jamoasi himoyachisi Abduqodir Husanov ushbu bahsda “Manchester Siti”ning asosiy tarkibida maydonga tushib, uchrashuvni to‘liq o‘tkazdi.
Angliya Premyer Ligasi, 8-tur
“Aston Villa” — “Manchester Siti” 2:1
Gollar: 1:0 — Nikolas Jekson (6), 1:1 — Erling Holand (52), 2:1 — Nikolas Jekson (60).
