Afrika futbol konfederatsiyasi qit'a chempionati bo‘yicha avvalgi qarorini bekor qildi
Afrika futbol konfederatsiyasi (CAF) Afrika millatlar kubogini har to‘rt yilda bir marta o‘tkazish rejasidan voz kechdi. Tashkilot musobaqaning avvalgi ikki yillik davriyligini saqlab qolishga qaror qildi. Bu haqda Reuters axborot agentligi xabar bermoqda.
Manbaga ko‘ra, CAF 2025-yil dekabr oyida Afrika kubogini har to‘rt yilda bir marta tashkil etish rejasini e’lon qilgan edi. Biroq ushbu tashabbus futbol jamoatchiligi tomonidan birdek qo‘llab-quvvatlanmadi.
Natijada konfederatsiya qarorni qayta ko‘rib chiqib, qit'a birinchiligini har ikki yilda o‘tkazishni davom ettirishga qaror qildi. Bu Afrika terma jamoalari va futbolchilarning xalqaro musobaqalardagi ishtiroki uchun muhim ahamiyatga ega.
Ma’lumot uchun, Afrika millatlar kubogi qit'aning eng nufuzli terma jamoalar musobaqasi hisoblanadi. Turnirning ikki yillik davriyligi uzoq yillardan buyon amalda bo‘lib kelmoqda.
