\"Astana Open Series\" xalqaro turniridan navbatdagi medallar
Qozog’iston poytaxti Ostona shahri velosportning trek yo’nalishi bo’yicha “ASTANA OPEN SERIES” xalqaro nufuzli turniriga mezbonlik qilmoqda. Quvonarlisi, unda ishtirok etayotgan O’zbekiston milliy terma jamoasi a’zolari Samira Ismoilova hamda Asal Rizayevalar “Omnium” dasturida ham o’zlarini ko’rsata olishdi.
Olimpiya o’yinlari dasturidan o’rin olgan “Omnium”da Samira Ismoilova kumush medalni qo’lga kiritdi. Asal Rizayeva esa 4-natijani qayd etib, yana bir bor vakillarimizning muvaffaqiyatli ishtirokini ta’minladi.
Bundan tashqari, Samira Ismoilova kuni kecha “Skretch” dasturida ham kumush medaliga ega chiqqandi. “Elimination” dasturida esa kumush va bronza medallari hamyurtlarimizga nasib etgan.
Qo’lga kiritilgan natijalar bilan O’zbekiston terma jamoasi a’zolarini tabriklaymiz va kelgusi musobaqalarda zafarlar tilab qolamiz.
