Винисиус ўтган ёзда «Арсенал»га ўтиш вариантини жиддий кўриб чиққан
Бироқ якунда Винисиус Мадрид клубида қолишга қарор қилди.
Футбол
Фото: Getty Images
«Реал» клуби вингери Винисиус Жуниорнинг вакилларидан бири Майкл Йормарк бразилиялик футболчи ўтган ёзда «Арсенал»га ўтиш вариантини жиддий кўриб чиққанини маълум қилди.
Бироқ якунда Винисиус Мадрид клубида қолишга қарор қилди ва «қаймоқранглилар» билан шартномасини 2032 йилга қадар узайтирди.
«У «Арсенал» таклифини жиддий кўриб чиқдими? Албатта, ҳа. «Арсенал»дек клуб сен учун барча имкониятларни яратиб, ўзингни ҳақиқатан ҳам керакли футболчи сифатида ҳис қилишингга шароит яратса, бундай таклифга қулоқ тутишинг табиий.
Аммо Винининг қалби Мадридда. У доимо шу ерда бўлишни истаган ва фаолиятининг қолган қисмини ҳам шу клубда ўтказишга умид қилмоқда», — дея Йормаркнинг сўзларини The Touchline нашри X ижтимоий тармоғида келтирмоқда.
