Мак Аллистер «Ливерпуль» билан узоқ муддатли шартнома тузишга тайёр

«Ливерпуль» ярим ҳимоячиси Алексис Мак Аллистер клубда узоқ йиллар давомида қолишга тайёр. Бу ҳақда инсайдер Экрем Конур ижтимоий тармоқларда маълум қилди.

Журналистнинг таъкидлашича, ҳозирча «Ливерпуль» раҳбарияти аргентиналик футболчи билан янги шартнома бўйича музокараларни бошлашга шошилмаяпти. Томонлар ўртасидаги амалдаги келишув 2028 йилнинг июнь ойи охирига қадар амал қилади.

Мак Аллистер 2023 йилдан буён «Ливерпуль» шарафини ҳимоя қилиб келмоқда. 27 ёшли футболчининг бозор қиймати 70 миллион евро атрофида баҳоланмоқда.

Аргентиналик ярим ҳимоячи жорий мавсумда Англия Премьер-лигасида еттита учрашувда майдонга тушиб, икки марта сариқ карточка олди.

Розикжон Султонмуродов

Журналист

0 0 0 0 0 0