Фигу: «Моуринью «Барселона» учун яхши мураббий бўла оларди»
«Барселона» ва «Реал»нинг собиқ ярим ҳимоячиси Луиш Фигу Жозе Моуринью «Барселона» бош мураббийи бўлиш учун муносиб номзод бўлиши мумкинлигини айтди.
Моуринью 1996–2000 йилларда каталонияликлар клубида мураббий ёрдамчиси сифатида фаолият юритган.
«Моуринью “Барселона” учун яхши мураббий бўла оларди. Гвардиола тайинланишидан олдин ҳам унинг номзоди муҳокама қилинган. Балки клубдагилар унда “Барселона”ни бошқариш учун зарур бўлган фазилатлар бор деб ҳисоблашгандир.
Мен у билан бирга ўйнаган пайтларда Моуриньюда ҳали етарли тажриба бўлмаган бўлиши мумкин. Аммо кейинчалик эришган ютуқларини ҳисобга олсак, у шубҳасиз, “Барселона” учун яхши мураббий бўла оларди. Чунки унда бунинг учун зарур қобилият ва билим бор эди.
Агар у клубга қайтганида, “Барселона”нинг фалсафасини ҳам, жамоани ҳам яхши билган бўларди», — дея Фигунинг сўзларини келтирмоқда Mundo Deportivo нашри.
