Суперлига. “Бунёдкор” “Бухоро”ни ишончли ҳисобда мағлуб этди
Ўзбекистон Суперлигаси 4-туридан ўрин олган баҳсда “Бухоро” ва “Бунёдкор” ўзаро тўқнаш келди ва якунда “қалдирғочлар” ишончли ҳисобда ғалаба қозонди.
Биринчи бўлим анча сокин ўтди. Бироқ иккинчи бўлимда томонлар нисбатан фаолроқ ҳаракат қилди.
78-дақиқа ўтиб бораётган бир пайтда “Бунёдкор” чап қанотдан ҳужум уюштирди. Жарима майдонига етказиб берилган тўпни “Бухоро” ҳимоячиси Фране Икич кутилмаганда ўз дарвозасига жойлаб қўйди (0:1).
Ушбу голдан сўнг “Бунёдкор” хотиржамликка берилмади ва бунинг натижасида жамоа 87-дақиқада Бобурбек Йўлдошевнинг голи эвазига ҳисобдаги устунликни мустаҳкамлади.
Шу тариқа, “қалдирғочлар” мавсумдаги учинчи ғалабасини қўлга киритиб, турнир жадвалида вақтинча карвонбошиликни ўз қўлига олди.
Ўзбекистон Суперлигаси | 4-тур
“Бухоро” 0:2 “Бунёдкор”
Голлар: Фране Икич 78' автогол (0:1), Бобурбек Йўлдошев 87' (0:2).
