Superliga. “Bunyodkor” “Buxoro”ni ishonchli hisobda mag'lub etdi
O'zbekiston Superligasi 4-turidan o'rin olgan bahsda “Buxoro” va “Bunyodkor” o'zaro to'qnash keldi va yakunda “qaldirg'ochlar” ishonchli hisobda g'alaba qozondi.
Birinchi bo'lim ancha sokin o'tdi. Biroq ikkinchi bo'limda tomonlar nisbatan faolroq harakat qildi.
78-daqiqa o'tib borayotgan bir paytda “Bunyodkor” chap qanotdan hujum uyushtirdi. Jarima maydonchasiga yetkazib berilgan to'pni “Buxoro” himoyachisi Frane Ikich kutilmaganda o'z darvozasiga joylab qo'ydi (0:1).
Ushbu goldan so'ng “Bunyodkor” xotirjamlikka berilmadi va buning natijasida jamoa 87-daqiqada Boburbek Yo'ldoshevning goli evaziga hisobdagi ustunlikni mustahkamladi.
Shu tariqa, “qaldirg'ochlar” mavsumdagi uchinchi g'alabasini qo'lga kiritib, turnir jadvalida vaqtincha karvonboshilikni o'z qo'liga oldi.
O'zbekiston Superligasi | 4-tur
“Buxoro” 0:2 “Bunyodkor”
Gollar: Frane Ikich 78' avtogol (0:1), Boburbek Yo'ldoshev 87' (0:2).
