Суперлига. ОКМК сўнгги дақиқадаги гол эвазига «Локомотив»ни енгди
Ўзбекистон Суперлигасининг 26-туридан ўрин олган «Локомотив» ва ОКМК ўртасидаги учрашув меҳмонларнинг 2:1 ҳисобидаги ғалабаси билан якунланди.
Тошкентда кечган баҳснинг илк дақиқасидаёқ олмалиқликлар ҳисобни очди. Азиз Холмуродов рақиб дарвозасини ишғол қилиб, ОКМКни олдинга олиб чиқди. 11-дақиқада Темурхўжа Абдухолиқов пенальтини аниқ амалга ошириб, ҳисобни 1:1 кўринишига келтирди.
Учрашувнинг сўнгги дақиқасида эса захирадан майдонга тушган Сияваш Ҳақназарий Али Абдураҳмоновнинг узатмасини голга айлантириб, ОКМКга ғалаба келтирди.
Шу тариқа, Олмалиқ клуби сафарда муҳим уч очкони қўлга киритди ва очколари сонини 45 тага етказди. «Локомотив» эса 40 очкода қолди.
Ўзбекистон Суперлигаси. 26-тур
1 ноябрь, якшанба
«Локомотив» – ОКМК – 1:2
Голлар: Азиз Холмуродов (1) — 0:1, Темурхўжа Абдухолиқов (11, пенальти) — 1:1, Сияваш Ҳақназарий — 1:2.
