Криштиану Роналдунинг Тошкентга келмагани сабаби маълум бўлди
Саудия Арабистонининг “Ал-Наср” клуби Осиё Чемпионлар лигаси доирасида “Пахтакор”га қарши учрашув учун Тошкентга Криштиану Роналдусиз ташриф буюрди. Португалиялик юлдузнинг Ўзбекистонга келмаслигига жамоанинг тиғиз ўйинлар тақвими сабаб бўлган. Бу ҳақда Associated Press агентлиги хабар бермоқда.
Манбага кўра, “Ал-Наср” бош мураббийи Анже Постекоглу матбуот анжуманида айрим етакчи футболчиларга дам беришга қарор қилганини маълум қилган. Австралиялик мутахассис кетма-кет учрашувлар ва узоқ сафарлар футболчиларнинг жисмоний ҳолатига таъсир кўрсатаётганини таъкидлаган.
Роналду билан бир қаторда Кингсли Коман ва Муҳаммад Симакан ҳам Тошкентга келмаган. Постекоглу бу қарор “Пахтакор”ни менсимаслик билан боғлиқ эмаслигини билдириб, Ўзбекистон клубини жиддий рақиб сифатида баҳолаган.
Маълумот учун, “Пахтакор” ва “Ал-Наср” ўртасидаги учрашув 2 ноябрь куни Тошкентда ўтказилиши белгиланган. Саудия Арабистони клуби мазкур баҳс олдидан Осиё Чемпионлар лигасининг Ғарб минтақаси жадвалида уч очко билан тўққизинчи ўринни эгаллаб турибди.
