Японияда чемпионлик пойгасида кутилмаган ўзгариш юз берди
Япония футбол чемпионатида “Токио” клуби турнир жадвалида биринчи ўринга кўтарилди. Пойтахт жамоаси “Фаджано Окаяма”ни 4:0 ҳисобида мағлуб этиб, чемпионлик учун курашдаги мавқеини мустаҳкамлади. Бу ҳақда Reuters агентлиги хабар бермоқда.
Манбага кўра, чемпионатнинг аввалги пешқадами “Матида Зельвия” “Гамба Осака”га қарши учрашувда 0:0 ҳисобида дуранг ўйнаган. Рақибнинг очко йўқотишидан фойдаланган “Токио” турнир жадвалида етакчиликни қўлга олган.
Япония чемпионатида юқори ўринлар учун рақобат кучаймоқда. “Санфречче Хиросима” ҳам пешқадамдан катта фарқ билан ортда қолмаяпти.
Маълумот учун, “Санфречче Хиросима” биринчи ўриндаги “Токио”дан атиги бир очко ортда бормоқда. Бу эса чемпионатнинг кейинги турларида етакчилик яна ўзгариши мумкинлигини кўрсатади.
