Канело Альварес яна жаҳон чемпионига айланди
Мексикалик машҳур боксчи Саул «Канело» Альварес Саудия Арабистонининг Ар-Риёд шаҳрида ўтказилган бокс оқшомида Кристиан Мбилини мағлуб этиб, WBC версияси бўйича суперўрта вазн тоифасидаги чемпионлик камарига эга чиқди. Бу ҳақда Reuters агентлиги хабар бермоқда.
Манбага кўра, 31 октябрь куни ташкил этилган жанг тўлиқ 12 раунд давом этган. Ҳакамлар 115:112, 116:111 ва 117:110 ҳисобларида Альвареснинг ғалабасини қайд этган. Шу тариқа, мексикалик боксчи рақибига профессионал фаолиятидаги илк мағлубиятини тақдим этган.
Жангнинг дастлабки раундларида Мбили фаолроқ ҳаракат қилган бўлса, иккинчи ярмида Альварес ташаббусни қўлга олган. Мексикалик боксчи аниқ қарши зарбалари ва тажрибаси эвазига устунликни сақлаб қолиб, яна жаҳон чемпиони мақомига қайтган.
Маълумот учун, 36 ёшли Альварес профессионал фаолиятида 69 та жанг ўтказиб, 64 та ғалаба, учта мағлубият ва иккита дуранг қайд этган. У 2025 йил сентябрь ойида Теренс Кроуфордга ютқазганидан кейин илк бор рингга қайтган эди.
