Пулишич: «Бу ҳар доим ҳақиқий жанг бўлади»
«Милан» ҳужумчиси Кристиан Пулишич Италия чемпионатининг 10-туридан ўрин олган «Интер»га қарши учрашув олдидан ўз кайфияти ҳақида гапирди. Аввалроқ футболчи «россонерилар» билан шартномасини узайтирган эди.
«Менинг асосий мақсадим доимо гол уриш, голли узатмаларни амалга ошириш ва жамоага ёрдам беришдан иборат. Қийин дамларда ҳам бизни қўллаб-қувватлаган мухлисларга миннатдорчилик билдиришим керак. “Милан” мен учун алоҳида аҳамиятга эга клуб.
Дерби? Мен учун бу футбол тарихидаги энг яхши учрашув. Бу ҳар доим ҳақиқий жанг бўлади. Биз футболчилар учун бундан яхшироқ нарса йўқ. Мен доимо ўйин тақдирини ҳал қилишга ҳаракат қиламан. “Интер” кучли жамоа. Ғалаба қозониш учун деярли мукаммал ўйин кўрсатишимиз керак бўлади. Аммо биз буни уддалай оламиз», — дея Пулишичнинг сўзларини келтирмоқда Sport Mediaset.
Италия чемпионатининг жорий мавсумида 28 ёшли Кристиан Пулишич 6 та учрашувда майдонга тушиб, 2 та гол урди ва 1 та голли узатмани амалга оширди. Шунингдек, унинг ҳисобида Европа Лигасидаги 2 та учрашув ҳам бор.
