Аканжи Милан дербиси олдидан фикр билдирди
«Интер» ҳимоячиси Мануэль Аканджи Италия чемпионатининг 10-туридан ўрин олган «Милан»га қарши учрашувдан кутаётганлари ҳақида фикр билдирди.
Учрашув Тошкент вақти билан 00:45 да бошланади.
— «Милан»дан бунчалик катта фарқ билан олдинда бўлишингизни кутганмидингиз?
— Ҳали хулоса чиқаришга эрта, аммо ғалаба қозониш, шубҳасиз, жуда муҳим. Бизга яқин турган жамоалар ҳам очко жамғармоқда ва чемпионлик учун курашда қийинчиликларга дуч келишимиз мумкин. Дерби биз учун энг муҳим учрашувлардан бири. Уч очкони қўлга киритишни хоҳлаймиз.
— «Милан»га қарши ўйинда нималардан хавотир оляпсиз?
— Менимча, ўтган йили «Милан» паст ҳимоя чизиғида ҳаракат қилиши ва ақлли ўйин кўрсатишини намойиш этган. Биз уларга ўз услубида ўйнаш имконини бермаслигимиз керак. Ҳимояда ишончли ҳаракат қилиб, рақибга қийинчилик туғдиришимиз лозим. Тўпни қўлга киритганимизда эса тезкор қарши ҳужумлар ташкил этишимиз керак, — дея Аканджининг сўзларини келтирмоқда Sky Sport Italia.
