Моуринью Ла Лиганинг октябрь ойидаги энг яхши мураббийи деб топилди

Мадриднинг «Реал» клуби бош мураббийи Жозе Моуринью Испания чемпионатининг октябрь ойидаги энг яхши мураббийи деб эътироф этилди. Бу ҳақда Ла Лига матбуот хизмати хабар берди.

Октябрь ойида португалиялик мутахассис бошчилигидаги «Реал» чемпионат доирасида ўтказган учала учрашувида ҳам ғалаба қозонди. Жумладан, Мадрид клуби ушбу ойда «Барселона»ни ҳам 2:1 ҳисобида мағлуб этди.

Эслатиб ўтамиз, Испания чемпионати турнир жадвалида 12 та учрашувдан сўнг 33 очко жамғарган «Барселона» пешқадамлик қилмоқда. «Реал» 30 очко билан иккинчи, «Атлетико» эса 28 очко билан учинчи ўринда бормоқда.

Кучли бешликдан шунингдек, 26 очкога эга «Бетис» ва 22 очко тўплаган «Реал Сосьедад» ҳам жой олган.

Розикжон Султонмуродов

Журналист

0 0 0 0 0 0