Илия Топурия фаолиятидаги энг унутилмас жангни айтди
UFCнинг икки вазн тоифасидаги собиқ чемпиони Илия Топурия профессионал фаолиятидаги энг эсда қоларли жанг ҳақида гапирди. 29 ёшли грузин-испан спортчиси Александр Волкановскига қарши тўқнашувни алоҳида эътироф этди. Бу ҳақда у JD Sports’га берган интервьюсида маълум қилди.
“Мен Александр Волкановскига қарши жангни танлаган бўлардим. Чунки айнан ўша куни илк бор жаҳон чемпионига айланганман. Бу жанг мен учун жуда унутилмас бўлган”, деди Топурия.
Эслатиб ўтамиз, Топурия 2024-йилнинг 17-февралида UFC 298 турнирида Волкановскийни иккинчи раундда нокаутга учратиб, ярим енгил вазн тоифасида чемпионлик камарини қўлга киритган. Кейинчалик у Макс Холлоуэйга қарши жангда унвонини муваффақиятли ҳимоя қилган. 2025-йилда эса Чарльз Оливейрани нокаутга учратиб, енгил вазнда ҳам чемпион бўлган.
Маълумот учун, Топурия 2020-йилдан буён UFCда иштирок этмоқда. У 2026-йил июн ойида Жастин Гейжига техник нокаут билан мағлуб бўлиб, профессионал фаолиятидаги илк мағлубиятини қабул қилган ва енгил вазндаги чемпионлик камаридан айрилган.
