Мирко Еличич: \"Бу 10 ойлик меҳнат жараёнининг маҳсули\"
Ўзбекистон кубоги доирасидаги “Нефтчи”-"Локомотив" 2:4 баҳсидан кейин меҳмонлар бош мураббийи Мирко Еличич ўз фикрлари билан ўртоқлашди.
- Ҳақиқий кубок ўйини бўлди, кўплаб голларни кўрдик, жамоалар юқори кайфиятда ўйинга етиб келишди. "Нефтчи" охиригача курашди. Иккала жамоа ҳам яхши вазиятларга эга бўлишди. Бу футбол, биз ҳам сўнгги дақиқагача курашдик ва рақибга ҳақиқий жангни таклиф қилдик. Йигитларга бугунги ўйин учун раҳмат айтаман. Кубокнинг бундай ўйинларини томоша қилиш ва ўйнаш ёқимли.
- Ҳеч ким бундай натижа бўлишини кутмаганди. Жамоанинг бугунги ғалабаси сири нимада?
- Бизнинг футболчилар тўп билан ўзларини қулай ҳис қилишади. Бу 10 ойлик меҳнат жараёнининг маҳсули. Шу сабабли йигитлар ўз футболини кўрсатишга шошилишмайди. Шундай экан, улар исталган рақибга қарши ўйнай олишади. Лекин айрим вазиятларда жамоамизга курашувчанлик етишмаяпти. Бугун юқори даражадаги футболчилари бор "Нефтчи"га қарши ўйинда юқори темпда ўйнаганимиздан мамнунман. Бундай ишончли ўйин биз учун кўп нарсаларни англатади. "Нефтчи"га кейинги ўйинларда омад тилайман.
