«Челси» ва «Манчестер Юнайтед» «Реал Сосьедад» ҳужумчисига қизиқмоқда — Marca
Transfermarkt маълумотларига кўра, унинг бозор қиймати 18 миллион еврони ташкил этади.
ФОТО: Getty images
Англиянинг «Челси» ҳамда «Манчестер Юнайтед» клублари Испаниянинг «Реал Сосьедад» жамоаси ҳужумчиси Андер Барренечеага қизиқиш билдирмоқда. Бу ҳақда Marca хабар берди.
Манбага кўра, ҳар икки АПЛ клуби захира ва ротация футболчилари учун ортиқча маблағ сарфлашни истамаяпти. Шу боис Барренечеа айнан ушбу рол учун энг мақбул вариантлардан бири сифатида кўрилмоқда.
Жорий мавсумда 24 ёшли футболчи «Реал Сосьедад» сафида барча мусобақаларда 34 та ўйинда иштирок этиб, 4 та гол урди ва 5 та голли узатмани амалга оширди. Transfermarkt маълумотларига кўра, унинг бозор қиймати 18 миллион еврони ташкил этади.
Розикжон Султонмуродов
Журналист
