Санчо «Хетафе»га ўтиш учун маошини кескин камайтиришига тўғри келади

«Манчестер Юнайтед»нинг собиқ ҳужумчиси Жейдон Санчо Испаниянинг «Хетафе» клубига эркин агент сифатида ўтмоқчи бўлса, маош бўйича талабларини сезиларли даражада пасайтиришига тўғри келади. Бу ҳақда The Telegraph нашри хабар бермоқда.

Маълумотларга кўра, «Хетафе» англиялик футболчига ҳафтасига тахминан 12 минг евро атрофида маош таклиф қилишга тайёр. Ваҳоланки, Санчо «Манчестер Юнайтед» сафида ўйнаган пайтида ҳафтасига 300 минг евро атрофида ишлаб топган.

Ҳозирча 26 ёшли футболчи «Хетафе»га ўтиш имкониятини рад этмаган. Бироқ у якуний қарор қабул қилишдан олдин жамоа бош мураббийи Хосе Бордалас билан суҳбатлашмоқчи.

Эслатиб ўтамиз, Жейдон Санчо аввалроқ «Манчестер Юнайтед»дан ижара асосида «Астон Вилла» сафида тўп сурган.

Розикжон Султонмуродов

Журналист

0 0 0 0 0 0