Суперлига. «Андижон» сўнгги дақиқаларда «Динамо»дан очко тортиб олди

Суперлиганинг 25-турида «Динамо» ўз майдонида «Андижон»ни қабул қилди. Баҳснинг 85-дақиқасида Улуғбек Абдуллаев самарқандликларни ҳисобда олдинга олиб чиққанди.

Бироқ «Андижон» ўйин охирида ҳисобни тенглаштирди. 90+2-дақиқада Усмонали Исмоналиев гол уриб, «бургутлар»га бир очко олиб келди.

Ушбу натижадан сўнг ҳар икки жамоанинг очколари 31 тага етди. «Андижон» турнир жадвалида 9-ўринни эгаллаб турибди, «Динамо» эса 10-ўринда бормоқда.

Суперлига. 25-тур
Динамо — Андижон 1:1
Голлар: Абдуллаев 85 — Исмоналиев 90+2.
Огоҳлантиришлар: Тоиров 76, Холдорхонов 84.

Розикжон Султонмуродов

Журналист

0 0 0 0 1 0