Bavariya” bosh murabbiyi Vinsent Kompani hushidan ketib, shifoxonaga yotqizildi
“Bavariya” bosh murabbiyi Vinsent Kompani 23-oktabr kuni klubning zaxira jamoasi mashg‘ulotini kuzatayotgan vaqtida hushidan ketdi. Belgiyalik mutaxassis shundan so‘ng shifoxonaga olib ketildi. Bu haqda Reuters agentligi xabar bermoqda.
Manbaga ko‘ra, Kompani so‘nggi kunlarda virusli kasallikdan aziyat chekkan va ayrim mashg‘ulotlarda ishtirok etmagan. Murabbiy hozirda shifokorlar nazorati ostida bo‘lib, uning salomatligi yuzasidan keng qamrovli tekshiruvlar o‘tkazilmoqda.
Myunxen klubi rahbariyati mutaxassisning sog‘lig‘i birinchi o‘rinda ekanini ta’kidladi. Sport ishlari bo‘yicha direktorlar kengashi a’zosi Maks Eberl Kompaniga tiklanishi uchun barcha zarur sharoitlar yaratilishini bildirdi. Uning yo‘qligida jamoa mashg‘ulotlari va uchrashuvlarga tayyorgarlik jarayonini murabbiylar shtabi boshqaradi.
Ma’lumot uchun, “Bavariya”ning navbatdagi uchrashuvi 25-oktabr kuni Bundesliga doirasida “Frayburg”ga qarshi bo‘lib o‘tishi rejalashtirilgan. Kompanining mazkur bahsda ishtirok etishi hozircha noma’lum.
