Mourinyo «Arsenal» himoyachisini «Real»da ko‘rmoqchi
Madridning «Real» klubi bosh murabbiyi Joze Mourinyo Londonning «Arsenal» jamoasi himoyachisi Rikardo Kalafiorini o‘z safiga qo‘shib olishni istamoqda. Bu haqda TEAMtalk nashri xabar berdi.
Manba ma’lumotlariga ko‘ra, «Qirollik klubi» italiyalik futbolchining harakatlarini diqqat bilan kuzatib bormoqda va uning atrofidagilarga o‘z qiziqishi haqida allaqachon ma’lum qilgan.
Mourinyo Kalafiorini dunyoning eng yaxshi chap qanot himoyachisi deb hisoblaydi. Biroq «Arsenal» italiyalik futbolchini sotish niyatida emas. Qayd etilishicha, London klubi 2027-yilda himoyachi bilan yangi shartnoma borasida muzokaralar o‘tkazishni rejalashtirmoqda.
Shuningdek, «Real» Kalafioriga muqobil variant sifatida «Manchester Siti» himoyachisi Yoshko Gvardiol nomzodini ham ko‘rib chiqmoqda.
24 yoshli Kalafiori joriy mavsumda barcha musobaqalar doirasida 11 ta uchrashuvda maydonga tushib, ikkita gol urdi va ikkita golli uzatmani amalga oshirdi.
