Jahon chempionatidan keyin faoliyati izdan chiqqan Balogun yana gol urdi
- “Monako” hujumchisi Folarin Balogun uzoq tanaffusdan so‘ng yana gol urishga muvaffaq bo‘ldi. AQSH terma jamoasi futbolchisi Fransiya chempionatida “Parij”ga qarshi uchrashuvda raqib darvozasini ishg‘ol qilib, jahon chempionatidan keyingi ilk golini qayd etdi. Bu haqda The Guardian nashri xabar bermoqda.
Manbaga ko‘ra, Balogun uchun so‘nggi oylar ancha murakkab kechgan. Jahon chempionatidagi bahsli qizil kartochkadan so‘ng uning “Everton”ga transferi ham amalga oshmay qolgan. Futbolchi tibbiy ko‘rik bilan bog‘liq jarayondan norozi bo‘lgani sababli Angliya klubiga o‘tish imkoniyatini boy bergan.
“Monako”ning yangi bosh murabbiyi Filipe Luis ham Balogunga muntazam o‘yin amaliyoti bermayapti. Hujumchi Konferensiyalar ligasi uchun ro‘yxatdan chetda qolgan. Shunga qaramay, u “Parij”ga qarshi bahsning ikkinchi bo‘limida maydonga tushib, 66-daqiqada gol urdi. Biroq “Monako” uchrashuvda 1:3 hisobida mag‘lub bo‘ldi.
Ma’lumot uchun, Balogun o‘tgan mavsum Fransiya chempionatida 13 ta gol urgan. Uning kelajagi hozircha noaniq bo‘lib, yanvardagi transfer oynasida boshqa klubga o‘tishi mumkinligi muhokama qilinmoqda. Futbolchiga Angliya Premyer-ligasi va Italiya klublaridan qiziqish borligi aytilmoqda.
