Mareska Fil Fodenning qayta yuqori formaga kirishi sirini ochib berdi
“Manchester Siti” bosh murabbiyi Enzo Mareska yarim himoyachi Fil Fodenning so‘nggi uchrashuvlardagi muvaffaqiyatli o‘yinlari haqida fikr bildirdi. Italiyalik mutaxassis futbolchi bilan o‘tkazilgan shaxsiy suhbatlar uning o‘ziga bo‘lgan ishonchini tiklashga yordam berganini aytdi. Bu haqda The Guardian nashri xabar bermoqda.
Manbaga ko‘ra, Mareska klub boshqaruviga kelganidan buyon Foden bilan ikki-uch marta alohida suhbatlashgan. Murabbiy unga jamoa uchun qanchalik muhim futbolchi ekanini tushuntirib, avvalgi yuqori saviyasiga qaytishi uchun har tomonlama yordam berishga harakat qilgan.
Natijada 26 yoshli ingliz futbolchisi so‘nggi ikki uchrashuvda to‘rtta gol urishga muvaffaq bo‘lgan. Xususan, Foden Chempionlar ligasida Afinaning AEK klubiga qarshi 5:1 hisobida yakunlangan bahsda xet-trik qayd etgan. Mareska uning o‘yinidan mamnun bo‘lsa-da, butun mavsum davomida barqarorlikni saqlash muhimligini ta’kidlagan.
Ma’lumot uchun, Fil Foden 2023/24-yilgi mavsum yakunida Angliya Professional futbolchilar assotsiatsiyasi tomonidan yilning eng yaxshi futbolchisi deb topilgan. So‘nggi ikki mavsumda uning o‘yinida pasayish kuzatilgan bo‘lsa, joriy mavsumda futbolchi yana o‘zining yuqori saviyasini namoyish etmoqda.
