Ferdinand Ronalduni Portugaliya tarixidagi eng yaxshi futbolchi deb atadi
«Manchester Yunayted»ning sobiq futbolchisi, hozirda futbol eksperti sifatida faoliyat yuritayotgan Rio Ferdinand Portugaliya tarixidagi eng yaxshi futbolchi kim ekani haqidagi fikrini bildirdi.
«Ronaldu — futbol tarixidagi eng yaxshi portugaliyalik futbolchi. Uning futbolga ta’siri beqiyos. Krishtianu o‘z o‘yinlari bilan butun dunyodagi muxlislarga quvonch bag‘ishladi. Uning tufayli portugaliyaliklar o‘z terma jamoasiga ko‘proq ishona boshlashdi. U jahon futboli elitasiga kiradi va tarixdagi eng yaxshi futbolchilardan biri hisoblanadi», — dedi sobiq himoyachi o‘zining YouTube kanalida.
Eslatib o‘tamiz, bir necha kun oldin 41 yoshli Krishtianu Ronaldu Portugaliya terma jamoasidagi faoliyatini yakunlaganini e’lon qildi. U milliy jamoa safida 234 ta uchrashuvda maydonga tushib, 146 ta gol urgan.
