“Bavariya” rahbari Harri Keyn “Oltin to‘p”ni qo‘lga kiritishi kerakligini aytdi
Myunxenning “Bavariya” klubi faxriy prezidenti Uli Xeness jamoa hujumchisi Harri Keyn 2026-yilgi “Oltin to‘p” mukofotiga eng munosib nomzod ekanini bildirdi. Germaniyalik futbol mutasaddisi ingliz hujumchisining o‘tgan mavsumdagi natijalari ushbu nufuzli sovrinni qo‘lga kiritish uchun yetarli deb hisoblamoqda. Bu haqda Welt am Sonntag nashri xabar bermoqda.
Manbaga ko‘ra, Xeness Keynning o‘tgan mavsumda ikki sovrinni qo‘lga kiritgani, ko‘plab gollar urgani va Angliya terma jamoasi bilan Jahon chempionatida yarim finalga qadar yetib borganini alohida ta’kidlagan. Uning fikricha, hujumchi nafaqat individual ko‘rsatkichlari, balki jamoaviy natijalari bilan ham boshqa nomzodlardan ajralib turadi.
“Bavariya”ning sobiq prezidenti Karl-Xayns Rummenigge ham Keynning mukofotni qo‘lga kiritish imkoniyatlariga yuqori baho berdi. U ingliz futbolchisining kamtarligi, jamoaviy o‘yinga qo‘shayotgan hissasi va maydondagi yetakchilik fazilatlarini e’tirof etdi. Myunxen klubi rahbariyati 33 yoshli hujumchi bilan shartnomani uzaytirish borasidagi muzokaralarni ham davom ettirmoqda.
Ma’lumot uchun, Harri Keyn o‘tgan mavsum klub va terma jamoa safida jami 73 ta gol urgan. “Oltin to‘p” taqdirlash marosimi 26-oktabr kuni Angliya poytaxti Londonda bo‘lib o‘tadi. Keyn faoliyati davomida ushbu nufuzli individual mukofotni hali qo‘lga kiritmagan.
