«Barselona» «Chelsi» vingeri Estevaoga qiziqish bildirmoqda
«Barselona» Londonning «Chelsi» klubi vingeri Estevao Villianga qiziqish bildirmoqda. Tarqalgan xabarlarga ko‘ra, 19 yoshli futbolchi bosh murabbiy Xabi Alonso taktik sxemalariga mos kelmayotgani sababli yanvar oyidayoq «ko‘klar» safini tark etishi mumkin.
Biroq insayder Fabrizio Romano ma’lumotiga ko‘ra, hozirgi vaqtda braziliyalik yosh futbolchining transferi bo‘yicha «Barselona» bilan hech qanday muzokaralar olib borilmayapti. Hatto ijara asosida transferni amalga oshirish varianti ham muhokama qilinmayapti.
Estevao joriy mavsumda «Chelsi» safida 9 ta uchrashuvda ishtirok etdi. Ularning faqat 3 tasida asosiy tarkibda maydonga tushdi. Angliya Premyer-ligasida esa atigi bir marta start tarkibidan joy oldi.
Eslatib o‘tamiz, London klubi o‘tgan yilning yozida «Palmeyras»dan iqtidorli futbolchini 45 million yevroga xarid qilgandi. Transfermarkt portali ma’lumotiga ko‘ra, ayni vaqtda uning bozor qiymati 80 million yevroga baholanmoqda.
