«Arsenal» Inkapyeni «Barselona»ga sotmoqchi emas
«Arsenal»ning universal himoyachisi Piero Inkapye «Barselona»ga o‘tmaydi. Bu haqda Football Insider nashri xabar bermoqda.
Manba ma’lumotlariga ko‘ra, «Arsenal» «Barselona»ning futbolchiga bo‘lgan qiziqishi ortib borayotganiga qaramay, uni sotish imkoniyatini istisno qilgan.
«Kanonirlar» bosh murabbiyi Mikel Arteta himoyachini jamoada olib qolish niyatida. Garchi Inkapye Angliya Premyer-ligasining joriy mavsumida deyarli o‘yin amaliyotiga ega bo‘lmayotgan bo‘lsa-da, mutaxassis uning klubda qolishini xohlamoqda.
Ta’kidlanishicha, «Arsenal» Inkapyeni faqat uning o‘rniga munosib o‘rinbosar topilgan taqdirdagina sotishi mumkin.
24 yoshli ekvadorlik futbolchi joriy mavsumda barcha musobaqalar doirasida 9 ta uchrashuvda maydonga tushdi, ammo gol yoki golli uzatma amalga oshirmadi.
