Дана Уайт Ислам Махачевнинг кам жанг ўтказаётганидан норози
UFC президенти Дана Уайт ярим ўрта вазн чемпиони Ислам Махачевнинг жанглар оралиғида узоқ танаффус қилаётганига муносабат билдирди. Ташкилот раҳбари чемпионлар йил давомида кўпроқ октагонга чиқиши кераклигини таъкидлади. Бу ҳақда MMA Fighting нашри хабар бермоқда.
Манбага кўра, Уайт The Mac Life нашрига берган интервьюсида Махачевнинг йилига уч марта жанг қилишини кутмаслигини, бироқ икки марта октагонга чиқишини исташини билдирган. Унинг фикрича, чемпионнинг узоқ танаффус қилиши вазн тоифасидаги бошқа даъвогарларнинг имкониятларига таъсир кўрсатади.
Махачев январь ойида бўлиб ўтадиган UFC 336 турнирида Карлос Пратесга қарши камарини ҳимоя қилмаслиги маълум бўлган. UFC раҳбариятига кўра, дастлаб мазкур жанг юзасидан оғзаки келишув мавжуд эди. Бироқ чемпион Рамазон ойидан кейин жанг қилишни маъқул кўрган. Шу сабабли Пратес ва Майкл Моралес ўртасида вақтинчалик чемпионлик камари учун баҳс ташкил этилади.
Маълумот учун, Ислам Махачев UFC тарихида икки вазн тоифасида чемпион бўлган жангчилардан бири ҳисобланади. У ташкилотдаги фаолияти давомида 18 та ғалаба ва битта мағлубият қайд этган.
