locale ЎЗ
OZ - o'zbekcha ЎЗ - ўзбекча

Жуд Беллингем «Реал Мадрид» капитанига айланиши мумкин

Беллингемнинг универсаллиги, жисмоний имкониятлари, ҳимоядаги ҳаракатлари ва муҳим учрашувларда ташаббусни ўз қўлига олиш қобилияти алоҳида эътироф этилди.
Футбол
Фото: Getty Images

Англия миллий терма жамоаси ва «Манчестер Юнайтед» клубининг собиқ ҳимоячиси Рио Фердинанд Жуд Беллингем келажакда Мадриднинг «Реал» клуби капитанига айланишига ишонч билдирди.

«Агар Жуд Беллингем Мадридда қолишга қарор қилса, келажакда албатта «Реал Мадрид» капитанига айланади. У ақл бовар қилмас даражадаги футболчи», — деди Фердинанд ўз подкастида.

Англиялик собиқ футболчи Беллингемнинг универсаллиги, жисмоний имкониятлари, ҳимоядаги ҳаракатлари ва муҳим учрашувларда ташаббусни ўз қўлига олиш қобилиятини алоҳида эътироф этди. Фердинанднинг фикрича, Беллингем Англия терма жамоасидаги ўйинлари билан Пол Скоулз, Фрэнк Лэмпард ва Стивен Жеррарддан ҳам ўзиб кетган.

Маълумот учун, Беллингем УЕФА Миллатлар лигаси доирасида Испанияга қарши кечган учрашувда голли узатмани амалга оширди. Бу унинг 2026 йилда миллий терма жамоа сафидаги еттинчи голли узатмаси бўлиб, ушбу кўрсаткич Англия терма жамоасининг бир календарь йилдаги янги рекордига айланди.

Sports24.uz Бизни кузатинг
Асосий воқеаларни кузатиб боринг! Янгиликлар, натижалар ва спортдаги энг ёрқин лаҳзалар. Кузатинг ва энг муҳим воқеалардан хабардор бўлинг!
Изоҳлар
Изоҳ қолдириш учун рўйхатдан ўтинг