Вадим Абрамов: «Яхши таассурот қолдирмадик, лекин ғалаба қозондик»
Бугун Зоминда «Сўғдиёна» ҳамда «Динамо» клублари ўртасидаги ўйин бўлиб ўтди. Унда 1:3 ҳисобида самарқандликларнинг қўли баланд келди.
Ўйиндан сўнг «Динамо» бош мураббийи Вадим Абрамов матбуот анжуманида қатнашди.
- Нима ҳам дердим? Ўйинни худди 0:1 ҳисобида мағлуб бўлиб турганимиздек бошладик. Эҳтимол, рақиб қизил карточка олгани бизга қўл келди. Улар бир киши кам бўлиб қолишгач, албатта, бизга анча осон бўлди.
Йигитларни ғалаба билан табрикладим, лекин бугун жамоамизнинг энг яхши ўйинларидан бирини ўтказмадик. Муҳими, уч очкони қўлга киритдик. Бугун омадимиз келди. «Сўғдиёна» жамоасига кейинги ўйинларда омад тилаймиз.
Бизга эса нима қолди? Ҳозир танаффус бўлади, қолган учта турга тайёргарлик кўришимиз керак. Бу йилги мавсум қандайдир тушунарсиз тарзда кечмоқда. Шунинг учун тайёргарликни давом эттирамиз.
Қувонарлиси, сафардаги иккита ўйинда ғалаба қозондик. Бунгача ўтказган тўртта учрашувимизда жуда кўп очко йўқотдик. Айтиш мумкинки, ўша ўйинларда бугунгидан ҳам яхшироқ ҳаракат қилганмиз, аммо мағлуб бўлганмиз. Бугун эса кўриб турганингиздек, футбол шундай ўйин: яхши таассурот қолдирмадик, лекин ғалаба қозондик.
Ҳозир яна нима дейишим мумкин? Қаранг, жамоа сон жиҳатидан устун бўлиб туриб, шунча сариқ карточка олганини қаерда кўргансиз? Гўёки биз фақат ҳимояланиб, доим қоидабузарлик содир этгандек таассурот қолди. Буни қандай изоҳлашни билмайман.
- Тез орада миллий жамоа йиғини бошланади. Жамоангиз футболчиларидан кимдир Ўзбекистон миллий жамоасидан чақирув олдими?
- Ҳозирча ҳеч ким олгани йўқ. Кимгадир чақирув берилганини ҳам билмайман. Ахир олдинда чемпионатнинг сўнгги турлари турибди. Ҳозирча бу ҳақда маълумотим йўқ.
- Расул Йўлдошевнинг бугунги ўйини ҳақида нима дейсиз?
- Энг муҳими, майдонга тушди ва гол урди. Буни алоҳида таъкидлаш керак. Аммо ҳозир у тўртинчи сариқ карточкасини олди ва шу боис кейинги учрашувни ўтказиб юборади.
Ҳозир яна нима дейишим мумкин? Қаранг, жамоа сон жиҳатидан устун бўлиб туриб, шунча сариқ карточка олганини қаерда кўргансиз? Гўёки биз фақат ҳимояланиб, доим қоидабузарлик содир этгандек таассурот қолди. Буни қандай изоҳлашни билмайман.
- Ҳужумчи Анвар Ҳожимирзаев тўпурарлик салоҳиятини кўрсатяпти ва энг яхши мавсумларидан бирини ўтказяпти. У ҳақидаги фикрингиз қандай?
- Бугунги ўйинимиз энг яхши ўйин бўлди, деб айтолмаймиз. Аммо баракалла, ўзи пенальти ишлади, рақибнинг қизил карточка олишига ҳам сабабчи бўлди ва гол урди. У бундан анча яхшироқ ўйнай олади, бунга ишонаман.
- Умуман, бутун мавсум давомидаги ўйинлари ҳақида нима дейсиз?
- Албатта, мавсумни назарда тутсак, унинг имкониятлари янада юқори эди. Агар олган жароҳати бўлмаганида, менимча, ҳозирги вақтга келиб анча кўп гол урган бўларди. У айнан ўзининг энг яхши жисмоний ҳолатига кириб, мухлисларга ёқимли таассурот қолдира бошлаган пайтда жароҳат олди. Афсуски, бу жароҳат футболчини деярли бир ойга сафдан чиқарди. Бу анча мураккаб жараён бўлди. Шунга қарамай, у ҳаракат қиляпти, интилишдан тўхтамаяпти. Бу қувонарли. Худо хоҳласа, келгусида янада ўсишда давом этади.
- Олдинда FIFA кунлари ва футболчилар учун танаффус бор. Жамоанинг режалари қандай?
- Ҳа, футболчиларга беш кунлик таътил берамиз. Кейин эса тайёргарликни бошлаймиз. Самарқандда 15-куни ўртоқлик учрашуви ўтказишни режалаштирганмиз. Шундан сўнг навбатдаги турга тайёргарлик кўрамиз», - дея Вадим Карленовичнинг сўзларини келтиради Tribuna.uz журналисти.
