«Барселона» қишда Инкапьени ўз сафига қўшиб олиши мумкин

«Барселона» клуби «Арсенал» ҳимоячиси Пьеро Инкапье билан шартнома имзоламоқчи. Бу ҳақда Diario Sport нашри хабар берди.

Манбага кўра, каталонияликлар марказий ҳимояни кучайтиришга бел боғлаган. Клуб бор эътиборини эквадорлик 24 ёшли футболчига қаратган.

Қайд этилишича, Инкапье «Барселона» спорт директори Декунинг трансфер рўйхатида юқори ўринда турибди. Шунингдек, каталонияликлар бош мураббийи Ханси Флик эквадорлик футболчининг ўйинини юқори баҳолайди.

«Арсенал» эса футболчи бўйича яхши таклиф оладиган бўлса, у билан хайрлашишга қарши эмас. Чунки жамоа устози Микел Артета ҳимоячини ўзининг истиқболдаги режаларига киритмаган.

Пьеро бу мавсумда Англия Премьер-лигасида тўртта учрашувда майдонга тушган.

Иброҳим Жалолов

Редактор

0 0 0 0 0 0