Рауль Асенсио фаолиятини Францияда давом эттириши мумкин
Мадриднинг «Реал» клуби марказий ҳимоячиси Рауль Асенсио фаолиятини Францияда давом эттириши мумкин.
Mundo Deportivo нашрининг хабар беришича, янги бош мураббий Жозе Моуринью режаларига кирмайдиган 23 ёшли футболчига «Марсель» қизиқиш билдирмоқда.
Манбага кўра, Асенсио дастлаб Мадридни тарк этишни истамаган. Бироқ клубнинг талабидан сўнг у трансферга рози бўлиши мумкин. «Марсель» испаниялик ҳимоячини 15 миллион евро миқдорида мажбурий сотиб олиш шарти билан ижарага олишни режалаштирмоқда.
Шунингдек, келишув амалга ошса, «Реал» Асенсионинг келажакдаги эҳтимолий трансферидан тушадиган маблағнинг 25 фоизига эгалик қилиш ҳуқуқини сақлаб қолади.
Аввалроқ футболчига Португалиянинг «Бенфика» клуби ҳам қизиқиш билдирган эди. Бироқ Лиссабон жамоаси «Реал» учун ҳимоячини қайта сотиб олиш бандини келишувга киритишдан бош тортгани сабабли музокаралар самарасиз якунланган.
