Ян Диоманде: «Болалигимдан «Реал»да ўйнашни орзу қилганман»

Мадриднинг «Реал» клуби вингери Ян Диоманде қироллик клубида тўп суриш унинг болаликдаги орзуси бўлганини тан олди.

«Қаймоқранглилар» 19 ёшли футболчини ўтган ёзда Германиянинг «РБ Лейпциг» клубидан 125 миллион евро эвазига сотиб олган.

«Мен болалигимданоқ «Реал»га ўтишни орзу қилганман. Бу орзуим амалга ошгани мен учун қандай аҳамиятга эга эканини сўз билан ифодалаш қийин», — дея Диоманде сўзларини Madrid Zone нашри келтирмоқда.

Кот-д'Ивуарлик футболчи Жозе Моуринью бошқарувидаги жамоа сафида барча мусобақаларда 13 та учрашувда иштирок этиб, учта гол ва тўртта голли узатма муаллифи бўлди.

Иқтидорли футболчининг «Реал» билан шартномаси 2033 йилнинг ўрталарига қадар мўлжалланган.

Розикжон Султонмуродов

Журналист

0 0 0 0 0 0