«Реал» «Манчестер Юнайтед»нинг 16 ёшли истеъдодини қўлга киритмоқчи
«Манчестер Юнайтед»нинг ҳужумкор ярим ҳимоячиси Жей-Жей Габриэль яқин вақтлар ичида Мадриднинг «Реал» клубига ўтиши мумкин.
Журналист Бен Фернандес Сантоснинг маълум қилишича, 16 ёшли футболчи трансфер расман якунланишини кутиб, айни пайтда Испания пойтахтида машғулотларда иштирок этмоқда. Томонларга келишувнинг айрим тафсилотларини ҳал қилиш қолган. Яқин кунлар музокараларда ҳал қилувчи аҳамият касб этиши мумкин.
Аввалроқ истеъдодли англиялик футболчига «Барселона» ҳам қизиқиш билдирган, бироқ каталонияликлар трансфер учун курашни тўхтатган. Шунингдек, «Бавария» ва «Пари Сен-Жермен» клублари ҳам «Манчестер Юнайтед» ёшлар жамоаси аъзосига қизиқиш билдиргани айтилган.
Эслатиб ўтамиз, Жей-Жей Габриэль ҳали «Манчестер Юнайтед» асосий жамоасида дебют қилмаган.
