Элит ОЧЛ. Машарипов тўлиқ ўйнаган баҳсда «Истиқлол» «Ал Шамал»дан устун келди
Элит Осиё Чемпионлар лигасида 4-тур учрашувлари давом этмоқда. Ироқнинг Басра шаҳрида кечган беллашувда «Истиқлол» клуби «Ал Шамал»ни қабул қилди. Унда эронликлар минимал ҳисобдаги ғалабага эришди. Ягона гол 1-дақиқада Асани ҳисобига ёзилди.
Ушбу беллашувда Ўзбекистон миллий жамоаси яримҳимоячиси Жалолиддин Машарипов асосий таркибда майдонга тушиб, учрашувни тўлиқ ўтказди. Рустам Ашурматов эса учрашувни захира ўриндиғида бошлади ва 90-дақиқада майдонга тушди.
Мазкур учрашувни ўзбекистонлик ҳакамлар бригадаси бошқарди. Бош ҳакам вазифасини Аскер Наҗафалиев бажарди. Унга қанотларда Бахтиёрхўжа Шавкатов ва Руслан Серазитдинов ёрдам берди. VAR тизимида Фирдавс Норсафаров ва Абдурашид Худойберганов фаолият олиб борди.
Элит ОЧЛ. 4-тур
Истиқлол – Ал Шамал 1:0
Гол: Асани 1.
