ОКМК асосий дарвозабони нега майдонга тушмагани, ўринбосарининг хатолари ва камбек ҳақида
Суперлиганинг 8-туридан ўрин олган ОКМК - "Андижон" учрашувида 4:3 ҳисоби қайд этилди. Ушбу ўйинда мезбонлар асосий дарвозабони Жавоҳир Ильясов майдонга тушмади. Sports24.uz посбон билан суҳбатлашди.
- Жавоҳир, бугун қайдномага ҳам киритилмадингиз. Бу нима билан боғлиқ?
- Кичик жароҳатим bezovta қилгани учун мураббийлар дам беришди. Акс ҳолда жароҳат жиддийлашиб кетиши мумкин эди.
- Ўринбосарингиз Дилшод Йўқубов биринчи таймда қўпол хатолар қилди...
- Дилшод учун бу Суперлигадаги дебют ўйин эди. Ҳаяжон бўлгани табиий. Ҳусанов ҳам АПЛдаги дебютини хатолар билан бошлаганида жамоадошлари далда беришганди. Биз ҳам Йўқубовни қўллаб-қувватладик.
- Иккинчи таймда суперкамбек бўлди. 10 киши бўлиб, 2 тўп фарқини йўққа чиқаришга ишонганмидиз?
- Трибунда ўйинни томоша қилиш майдонга тушиб футбол ўйнашдан қийин экан. Менимча, бугунгидек ўйин яқин 10 йилларда Ўзбекистон чемпионатида бўлмаган.
