OKMK asosiy darvozaboni nega maydonga tushmagani, o‘rinbosarining xatolari va kambek haqida
Superliganing 8-turidan o‘rin olgan OKMK - "Andijon" uchrashuvida 4:3 hisobi qayd etildi. Ushbu o‘yinda mezbonlar asosiy darvozaboni Javohir Ilyosov maydonga tushmadi. Sports24.uz posbon bilan suhbatlashdi.
- Javohir, bugun qaydnomaga ham kiritilmadingiz. Bu nima bilan bog‘liq?
- Kichik jarohatim bezovta qilgani uchun murabbiylar dam berishdi. Aks holda jarohat jiddiylashib ketishi mumkin edi.
- O‘rinbosaringiz Dilshod Yoqubov birinchi taymda qo‘pol xatolar qildi...
- Dilshod uchun bu Superligadagi debyut o‘yin edi. Hayajon bo‘lgani tabiiy. Husanov ham APLdagi debyutini xatolar bilan boshlaganida jamoadoshlari dalda berishgandi. Biz ham Yoqubovni qo‘llab-quvvatladik.
- Ikkinchi taymda superkambek bo‘ldi. 10 kishi bo‘lib, 2 to‘p farqini yo‘qqa chiqarishga ishonganmidiz?
- Tribunadan o‘yinni tomosha qilish maydonga tushib futbol o‘ynashdan qiyin ekan. Menimcha, bugungidek o‘yin yaqin 10 yillarda O‘zbekiston chempionatida bo‘lmagan.
