Суперлига. ОКМК даҳшатли камбек амалга ошириб, “Андижон”ни таслим этди
Ўзбекистон Суперлигаси 8-туридан ўрин олган ОКМК - “Андижон” ўртасидаги баҳс ўз якунига етди ва даҳшатли ўйин 4:3 ҳисобида олмалиқликлар фойдасига ҳал бўлди.
Дастлаб, ҳисоб 16-дақиқада Хуршид Ғиёсов томонидан очилди (1:0). 19-дақиқада Бектемир Абдуманонов мувозанатни тиклади (1:1).
39-дақиқада Алтин Криeзиу андижонликларни ҳисобда олдинга олиб чиққан бўлса (1:2), 42-дақиқада Сардорбек Азимов ҳисобни 3:1 кўринишига олиб келди.
Асосий вақт тугашига саноқли дақиқалар қолганида “Андижон” дарвозаси томон пеналти белгиланди ва Хуршид Ғиёсов нуқтада адашмади (2:3). Иккинчи бўлимга қўшиб берилган дақиқаларда эса Ойбек Рустамов ва Хуршид Ғиёсов гол уриб, ОКМКнинг ғалабасини таъминлади (4:3).
Шу тариқа, бир киши кам бўлиб ҳаракат қилган ОКМК якунда камбек амалга оширди.
Ўзбекистон Суперлигаси | 8-тур
ОКМК 4:3 “Андижон”
Голлар: Хуршид Ғиёсов, 16' (1:0), Бектемир Абдуманонов, 19' (1:1), Алтин Криeзиу, 39' (1:2), Сардорбек Азимов, 42' (1:3), Хуршид Ғиёсов, 87' пен (2:3), Ойбек Рустамов, 90+4' (3:3), Хуршид Ғиёсов, 90+7' пен (4:3).
Четлатиш: Али Абдураҳмонов, 60' (ОКМК).
