«Барселона» «Ювентус» ҳимоячисига қизиқишини қайта тиклади
Қишки трансфер ойнасида Алехандро Бальде «Барселона»ни тарк этиши мумкин. Чап қанот ҳимоячиси кўпроқ ўйин амалиётига эга бўлишни истамоқда. Шу сабабли каталонияликлар унинг эҳтимолий кетишини ҳисобга олган ҳолда, ўринбосар вариантларини кўриб чиқмоқда.
Calcio Mercato нашри хабар беришича, «Барселона» «Ювентус» ҳимоячиси Андреа Камбьязога қизиқишини қайта тиклаган. Каталония клуби италиялик футболчининг ўйинларини кузатиб бормоқда ва яқин вақт ичида трансфер бўйича музокараларни фаоллаштириши мумкин.
«Ювентус» 26 ёшли Камбьязонинг трансфер қийматини тахминан 30 миллион евро деб баҳоламоқда. Ҳимоянинг ҳар икки қанотида ҳам ўйнай оладиган футболчининг Турин клуби билан шартномаси 2029 йилнинг ўрталарига қадар амал қилади.
Камбьязо 2026/2027 йилги мавсумда барча мусобақаларда 6 та учрашувда майдонга тушди, аммо ҳозирча гол ёки голли узатма билан ажралиб турмади.
