«Манчестер Юнайтед» Матетани сотиб олиши мумкин
Матетанинг бозор қийматини 30 миллион евро деб баҳоламоқда.
Футбол
Фото: Getty Images
«Кристал Пэлас» ҳужумчиси Жан-Филипп Матета «Манчестер Юнайтед» қизиқишлари доирасига тушди. Бу ҳақда инсайдер Николо Скира ижтимоий тармоқларда маълум қилди.
Журналистнинг хабар беришича, «қизил иблислар» қишки трансфер ойнаси олдидан француз ҳужумчиси атрофидаги вазиятни кузатиб бормоқда.
Матетанинг «Кристал Пэлас» билан шартномаси келаси йилнинг ёзида якунига етади. Ҳозирча футболчи ва клуб ўртасида ҳамкорликни узайтириш бўйича келишувга эришилмаган.
29 ёшли ҳужумчи жорий мавсумда Англия Премьер-лигасида тўртта учрашувда майдонга тушиб, қизил карточка олди.
Transfermarkt портали Матетанинг бозор қийматини 30 миллион евро деб баҳоламоқда.
