Кёйт: «Бу учрашувнинг сарлавҳаси — Истанбул мўъжизаси»
«Фенербахче» бош мураббийи Дирк Кёйт Чемпионлар лигаси умумий босқичи 4-туридан ўрин олган «Ливерпуль»га қарши уй учрашувидаги ғалабадан сўнг ўз фикрларини билдирди. Истанбулликлар «қизиллар»ни 3:2 ҳисобида мағлуб этишди.
«Бу учрашув учун энг муносиб сарлавҳа — «Истанбул мўъжизаси». «Ливерпуль» сафида тўп сурган пайтимда бир муҳим қоидани ўзлаштирганман: ҳеч қачон таслим бўлмаслик керак. Жамоада ишонч бўлса, у ҳар қандай рақибни мағлуб эта олади.
Ушбу учрашув олдидан футболчиларга «Ливерпуль»нинг «Милан»га қарши Чемпионлар лигаси финалида амалга оширган камбэкини эслатдим. Ўшанда инглизларнинг ғалаба қозонишига кўпчилик ишонмаган эди. Мен футболчиларга мўъжиза яратишимиз кераклигини айтдим», — дея нидерландиялик мутахассиснинг сўзларини Fanatik нашри келтирмоқда.
«Фенербахче» Чемпионлар лигасидаги кейинги учрашувини 25 ноябрь куни Украинанинг «Шахтёр» клубига қарши ўтказади.
