«Ливерпуль» Вальверде учун 100 миллион евро таклиф қилмоқчи
«Ливерпуль» «Реал» ярим ҳимоячиси Федерико Вальвердени трансфер қилиш учун йирик таклиф тайёрламоқда. Бу ҳақда Fichajes нашри хабар бермоқда.
Манба маълумотига кўра, мерсисайдликлар уругвайлик футболчи учун 100 миллион евро таклиф қилишни режалаштирган. «Ливерпуль» раҳбарияти Вальвердени Алексис Мак Аллистернинг ўрнига муносиб номзод сифатида кўрмоқда. Аргентиналик ярим ҳимоячининг «Энфилд»даги келажаги эса ҳозирча ноаниқлигича қолмоқда.
Бироқ «Ливерпуль»нинг жиддий қизиқишига қарамай, «Реал» Вальвердени қўйиб юбориши даргумон. Уругвайлик футболчи Жозе Моуринью жамоасида муҳим ўрин тутади.
Шунингдек, хабарда таъкидланишича, «Ливерпуль» ярим ҳимоя чизиғини кучайтириш учун «Монако» футболчиси Ламин Камара номзодини ҳам кўриб чиқмоқда. Айни пайтда айнан ушбу трансфер варианти амалга ошиши эҳтимоли юқорироқ деб баҳоланмоқда.
28 ёшли Вальверде жорий мавсумда барча мусобақалар доирасида 13 та учрашувда майдонга тушиб, бир гол ва икки голли узатма муаллифи бўлди.
