Кубарси Европада йилнинг энг яхши ёш футболчисига бериладиган Golden Boy совринини қўлга киритди

«Барселона» марказий ҳимоячиси Пау Кубарси Golden Boy соврини соҳиби бўлди. Ушбу мукофот Италиянинг Tuttosport газетаси томонидан тақвим йили якунларига кўра Европанинг энг яхши ёш футболчисига топширилади.

19 ёшли футболчи ўтган мавсумда каталонияликлар сафида 48 та учрашувда майдонга тушиб, битта гол урди. Кубарси Ла Лига олтин медаллари соҳиби бўлди ва Испания Суперкубогида ғолиб чиқди. Шунингдек, испаниялик футболчи жаҳон чемпионатида ғалаба қозониб, мусобақанинг энг яхши ёш ўйинчиси деб топилди.

Эслатиб ўтамиз, 2025 йилда Golden Boy соврини «ПСЖ» ва Франция терма жамоаси қанот ҳужумчиси Дезире Дуэга насиб этган эди.

Розикжон Султонмуродов

Журналист

0 0 0 0 0 0