«Комо» Дувикас билан шартномани 2031 йилгача узайтирди

«Комо» клуби ҳужумчиси Тасос Дувикас жамоа билан янги шартнома имзолади. Келишув 2031 йилгача мўлжалланган.

«Комо 1907» клуби ҳужумчи Тасос Дувикас билан шартнома 2031 йилгача узайтирилганини мамнуният билан маълум қилади. 2024/25 йилги мавсумнинг қишки трансфер ойнасида жамоага келиб қўшилган Дувикас барча мусобақаларда “бьянкоблу” сафида 68 та учрашув ўтказиб, 27 та гол ва 5 та голли узатма муаллифига айланди», — дейилади клуб матбуот хизмати хабарида.

Айни пайтда «Комо» Италия чемпионати турнир жадвалида тўртинчи ўринни эгаллаб турибди. Якшанба куни амбицияли жамоа Миланнинг «Интер» клубига қарши майдонга тушади.

Розикжон Султонмуродов

Журналист

0 0 0 0 0 0